សម្តេចតេជោបានបង្ហោះសារក្នុងទំព័រហ្វេសប៊ុកផ្លូវការរបស់សម្តេចនៅព្រឹកថ្ងៃទី ៧ វិច្ឆិកានេះថា តាមពាក្យបណ្តឹងរបស់ក្រសួងមហាផ្ទៃអំពីទោសក្បត់ជាតិនៃមេដឹកនាំគណបក្សសង្គ្រោះជាតិ លោក កឹម សុខា គឺមានន័យថា គណបក្សនេះនឹងត្រូវប្រឈមនឹងការរំលាយដោយច្បាប់ប្រទេស នៅថ្ងៃប្រកាសសាលដីការ ដោយតុលាការកំពូល ថ្ងៃទី ១៦ ខែ វិច្ឆិកា ឆ្នាំ ២០១៧ ខាងមុខនេះ។
សម្តេតេជោហ៊ុន សែន បន្ថែមថា៖ «ចំពោះបងប្អូនដែលកំពុងខិតខំបម្រើប្រជាពលរដ្ឋពិតៗ ដែលមិនបានដឹង និងចូលដៃជើងជាមួយមេដឹកនាំបក្សក្បត់ជាតិ គឺបងប្អូនមានឱកាសចូលរួមអាជីពនយោបាយបម្រើប្រទេសជាតិជាបន្តជាមួយសម្តេចតេជោ ហ៊ុន សែន និងគណបក្សប្រជាជន។ បងប្អូនមានពេល៩ ថ្ងៃទៀត ដើម្បីចូលរួមកសាងប្រទេសជាមួយសម្តេចតេជោ មុនការប្រកាសសាលដីការដោយតុលាការកំពូលនៅថ្ងៃទី ១៦ វិច្ឆិកា ២០១៧ខាងមុខនេះ»។
គិតត្រឹមថ្ងៃទី៧ វិច្ឆិកានេះ អ្នកតំណាងរាស្ត្រ ថ្នាក់ដឹកនាំមូលដ្ឋានដែលជាប់ឆ្នោតមកពីបក្សសង្គ្រោះជាតិជាង ៥០ នាក់ បានសម្រេចចិត្តមករូបរួមជាមួយបក្សប្រជាជនកម្ពុជា៕
No comments:
Post a Comment